رسميا: ماتش الوداد واتحاد طنجة ملعوب ويكلو بسبب عقوبة

رسميا غيتلعب الماتش الجاي بين اتحاد طنجة والوداد الرياضي برسم الدورة 6 بلا جمهور، بسبب عقوبة صدرات على الطنجاويين من طرف العصبة الوطنية لكرة القدم الاحترافية حيث الجمهور ديالهم شير فالتيران فالماتش اللي فات ضد التواركة ضمن الدورة 5.
ودارت لجنة الانضباط ديال العصبة الوطنية لكرة القدم الاحترافية اجتماع وعاقبت اتحاد طنجة عن ماتش الفريق مع اتحاد التواركة اللي كان الويكاند الماضي فالرباط، بإجراء مباراة واحدة (01) بدون جمهور، وتغريمو مبلغ 50.000 درهم، لاستعمال جماهيره للشهب الاصطناعية ورمي جماهيره للمقذوفات مما أدى الى توقف مؤقت للمباراة، أدت الى إصابات بشرية وذلك طبقا لمقتضيات المادتين 105 و76 من قانون الانضباط.
وهكذا كيكون تأكد رسميا ان الماتش بين اتحاد طنجة والوداد الرياضي غيتلعب ويكلو بلا جمهور، مع العلم ان الفريق الطنجاوي كان فطريقو باش يستقبل الماتش بلا جمهور فسانية الرمل فتطوان بلا جمهور.