وزير داخلية بافاريا دخل على الخط فقضية مزراوي وبايرن ميونخ

دخل يواكيم هيرمان وزير داخلية ولاية بافاريا الالمانية على الخط فالقضية ديال نصير مزراوي لاعب بايرن ميونخ الالماني، ومنشوراتو على فلسطين.
المسؤول الالماني وحسب تصريحات قالها لوسائل إعلامية، رد على المطالبين بإخراج نصير مزراوي من بافاريا وألمانيا، وأكد أنه ما يمكنش هاد الشي يكون، حيث الترحيل من بافاريا كيكون فحالة الجرائم الخطيرة.
فنفس الوقت كيشوف وزير داخلية ألمانيا أن بايرن ميونخ هو اللي خاصو يحل المشكل مع نصير مزواري، وشدد أن حتى هاد الشي اللي دار اللاعب ما خاصوش يديرو شي لاعب فبايرن.
وتدرب نصير مزراوي غير بوحدو يوم الخميس، وكلشي كيتسنا يشوف قرار بايرن ميونخ مع مزراوي، بعدما دارو معه اجتماع ملي رجع من المنتخب المغربي بسبب منشورات حطها فأنستغرام توصفات بالمتطرفة فالمانيا.