خرج عادل رمزي مدرب الوداد الرياضي يعطي أسباب خسارة الفريق المفاجئة أمام كلاكسي البوتسواني فتيران مراكش الكبير، ضمن الجولة الأولى من دور مجموعات دوري أبطال إفريقيا، بعيدا عن السحور والخرافات اللي بداو كيروج لها البعض حيث البوتسوانيين خواو شي حاجة غريبة فالتيران قبل ما يبدا الماتش، وقالو إنها سبب خسارة الوداد. وتحدث عادل رمزي بعد خسارة الوداد الرياضي أمام كلاكسي البوتسواني بواحد الزيرو، وعطى أسباب منطقية للهزيمة منها ما هو نفسي ودهني وقال: "كنتأسفو بزاف على النتيجة خسرنا او ماتش لينا بالميدان وعارفين أن 3 نقاط مهمة كنا كنطمحو باش نحققوها.. تقدر تقول إنك دومينيتي الماتش كامل وفوط انديفيديال تسببات فالهدف ولكن ماشي هاد الفوط هي السبب ومزيان ملي خسرنا هذا الماتش باش نزلو شويا للأرض حيث إذا الثقة زايدة ولا صحابنا درنا شي حاجة كبيرة فالسوبر ليك راه باقي ما درنا والو". وكمل عادل رمزي: "بحال هذا الشي مزيان واخا قلت بلي كنتأسفو دارنا بزاف هاد الشي، وهاد الماتش صعبناه على راسنا ولكن الكورة هي هادي خاصك تقبلها وتدوز والمشكل ما كانش فاللعب حيث ما كانش عندنا شي مشكل فالتنظيم ولكن الثقة اللي زايدة او ما كناش مركزين".
