تالفة فرانسا. جراو على مدير المخابرات الخارجية بسباب اوكرانيا وانقلابات افريقيا. ماكرون جاب رئيس المخابرات الداخلية اللي قرا معاه. تلاقى مع الحموشي قبل ايام وها اش طلب

تم اليوم الاربعاء 20 دجنبر 2023 تعيين نيكولا ليرنر رئيس الاستخبارات الداخلية باش يولي مدير للاستخبارات الخارجية. هادي ما عمرها كانت ففرانسا.
الاعلان كشف عليه وزير الدفاع سيباسيتيان لوكورنو.
تفسير هاد التعيين جا بسبب فشل المخابرات الخارجية فعهد رئيسها برنار ايميي فتوقع الغزو الروسي لاوكرانيا او توقعها للانقلابات العسكرية فغرب افريقيا وفدول كانت مستعمرات سابقة لفرانسا كمالي وبوركينا فاسو والنيجر...
رئيس المخابرات الخارجية الجديد نيكولا ليرنر عندو 45 عام. تخرج من كلية الدراسات العليا المعروفة ب"لينا". كان فنفس السنة مع رئيس فرانسا ايمانويل ماكرون.
حسب ما نشرت "ا ف ب" فان هاد المسؤول٬ يقال انو مقرب من رئيس فرانسا٬ ومعروف عليه باللي مجتهد. بعيد على الاضواء. حياتو المهنية كلها دوزها فوزارة الداخلية. خدم على الامن القومي حتى وصل لمنصب رئيسا للمديرية العامة للأمن الداخلي في العام 2018.
الرجل القوي فالمخابرات الخارجية كان تلاقى مع عبد اللطيف حموشي مدير المخابرات الداخلية والمدير العام للمديرية العامة للامن الوطني فالرباط الجمعة اللي فاتت.
فهاد الزيارة اتافق الطرفان على أهمية الارتقاء بالتعاون الأمني والاستخباراتي، وتوسيع نطاق المساعدة التقنية والتعاون العملياتي بين الجانبين، بما يضمن تبادل الخبرات والتجارب، وتعزيز الأمن المشترك، ومواجهة كل التهديدات والمخاطر المحدقة بالبلدين.
ليرنر كان طلب كذلك دعم المغرب والتنسيق معاه قبل تنظيم باريس للاولمبياد العام الجاي