الركراكي: الكونگو فرقة ماشي سهلة واللاعبين بداو كيولفو بالجو واخا الحرارة والرطوبة صعاب.. ودابا خاصنا نبقاو مركزين ونساو ماتش تنزانيا

عمر المزين- كود سبور- سان بيدرو//
أكد الإطار الوطني وليد الركراكي، خلال الندوة الصحفية التي يعقدها قبل ماتش المنتخب الوطني مع منتخب الكونغو الديمقراطي، أن الفريق المنافس هو فرقة ماشي ساهلة.
وأضاف الركراكي: "اللاعبين بداو كيولفو بالجو هنا وغادي نبدلوا الأمور فالماتش مزيان وعندنا اللي غادي يعاونا فماتش غدا، والأهم دبا هو اندوزو للدور الثاني".
https://m.youtube.com/live/AyhsNorrC8E?si=UjwJepp7t8qNiXqr
كما أكد الإطار الوطني قبل لحظات: "بوفال كانت عندو لاكريم ومكانش خاصني انديرو فالماتش الاول وسايس الطاقم التقني والطبي كنتيق فيهم".
وقال الركراكي، أنه خاصنا دبا نساو الماتش السابق ديال المنتخب الوطني مع منتخب تنزانيا، وأضاف أن البطولة صعيبة على المستوى الذهني، موضحا فهاد السياق باللي كل مقابلة عندها حقيقتها.
وزاد أن خاصنا نبقاو مركزين بزاف وتوقيت مقابلة الكونغو وحتى الطقس ماشي عذر أمامنا لتحقيق التأهل، واخا الحرارة والرطوبة التي تعرفها الكوت ديفوار ماشي ساهلة.
وأوضح الركراكي أن هادشي ديال الطقس مابغاش يدخلوا فراس اللاعبين، موضحا أن مقابلة يوم غد الأحد أمام منتخب الكونغو هي مرحلة جديدة وأخرى، والماتش ديال غدا غادي يكون اختبار حقيقي للمنتخب، داعيا إلى إعادة نفس الأمر مع منتخب تانزانيا من حيث مسايرة الإيقاع بشكل مزيان.
أوضح الإطار الوطني أن الماتشات ديال كأس إفريقيا خاص اللاعبين يكونوا مركزين فيها بزاف.
كما أضاف فهاد السياق أن المنتخب الوطني عندو لاعبين مزيانين كيلعبو في أندية جيدة.