مرض الناصري اجل التحقيق معاه. ها اش دار اليوم فالجلسة

علمت "كود" ان قاضي التحقيق باستئنافية كازا ما استامعش سعيد الناصري رئيس الوداد البيضاوي سابقا والقيادي في حزب الأصالة والمعاصرة سابقا.
وحسب مصدر "كود" فان التأجيل كان بسباب مرض الناصري. ودابا الجلسة المقبلة غادية تكون ف21 فبراير.
كيف قلنا هاد الشي عندو علاقة بمرض الناصري. فاللول وفق مصدر "كود" دخل عند قاضي التحقيق، قال ليه باللي مريض وما يمكنش يجاوب على اسئلة قاضي التحقيق.
بعد ذلك طلع عند الوكيل العام وخبرو المحامين ديالو باللي راه عندو بروطوكول خاص متبعو عند طبيب ديالو. وباللي، تضيف مصادر "كود"، ترسلات مراسلة لمدير سجن عكاشة وما تجاوبش معاها.
بعد ذلك تقول مصادر "كود"، رجع عند قاضي التحقيق واكد باللي ما يقدرش يجاوب على الاسئلة وتم تأجيل داك الشي بعد ان طمأن الوكيل العام المحامون باش يراسل مندوبية السجون