بعدما تسناواه بزاف بيضاوة.. باصواي كازا بدا اليوم الخدمة

بدا الباصواي ديال كازا اليوم الجمعة في الخدمة، بحيث استقبلو سكان العاصمة الاقتصادية هاد الصباح ديال 1 مارس 2024 وسيلة نقل جماعية جديدة.
وشاهدو الكازاويين مرور حافلات الباصواي للي نقلات ناس كازا إلى الوجهات ديالهم بتسعيرة ديال 6 دراهم.
وحسب بلاغ ديال شركة "كازا ترانسبور" غيتم اعتماد التعريفة نفسها في خدمة الترامواي، وغتبقى تيكيات وبطاقات الترامواي الحالية، سارية المفعول بين خدمتي الترام والباصواي، مع الإبقاء على التعريفة نفسها للتذاكر، كما أن البطاقة قابلة للتعبئة، والأمر نفسه بالنسبة لبطاقات الاشتراك بين الخدمتين.
وكتيح التذكرة أو البطاقة نفسها إمكانية المواصلة بين الطرامواي والباصواي مجانًا، في حدود 30 دقيقة باحتساب المدة بين التأشير عند الخروج والتأشير عند الدخول في محطتي المواصلة.
وكانت نبيلة الرميلي عمدة المدينة، أكدات فدورة الستثنائية دارها المجلس فشهر فبراير، أن تشغيل هاد الحافلات غيبدا ففاتح مارس المقبل.
وكالت أن شبكة الباصواي غتكون من خطين، إذ غيوصل طول الخط الأول إلى 12 كيلومتر، ويربط بين حي الليمون وحي السالمية، ويشتمل على نقطة للتبادل، ويتضمن 20 محطة للركاب المسافرين. بينما يربط الخط الثاني، تضيف نبيلة، مدار والماس بوولاد عزوز، على طول 12 كيلومتر أيضا، ويتوفر على نقطة للتبادل مع الخط الثاني لطرامواي، وسيتضمن 22 محطة للمسافرين.