كارلو أنشيلوتي: أنا بريء والمدعي العام غالط

أكد الطالياني كارلو أنشيلوتي مدرب ريال مدريد الإسباني أنه بريء من تهم التهرب الضريبي اللي وجهها له المدعي العام فمدريد، حسب ما تناقلت وسائل الإعلامي الإسبانية.
وتحدث كارلو انشيلوتي فتصريح له بعد ماتش ريال مدريد ولايبزگ الألماني فدوري أبطال أوروبا، وقال على التهم الموجهة له بالتهرب الضريبي واللي مهدد بسببها بالحبس لحوالي 4 سنين: "هاديك قصة قديمة بدات قبل 8 سنوات، والمدعي العام كيصحابو بلي كانت عندي الإقامة ولكن لا ما كانتش عندي".
وأكد كارلو أنشيلوتي: "أنا مقتنع بلي ما كانتش عندي الإقامة وبلي أنا بريء".
ووجه الادعاء الإسباني حسب ما نشرت وسائل إعلام إسبانية، تهمة التهرب الضريبي للطالياني كارلو أنشيلوتي، وأنه دخل فلوس من بيع حقوق الصورة ديالو ملي كان مدرب لريال مدريد ما بين 2014 و2015 وما خلصش عليها، وطالب الادعاء الإسباني بالمعاقبة ديالو بالحبس لحوالي 4 سنوات.