مؤتمر "الاستقلال". تسجيل صوتي منسوب لمضيان على المنصوري: كنتي مصاحبة معايا وكتصيدي الرجال بطوموبيلة مجلس الجهة. المعني بالامر: هاداك مفبرك

تسريب صوتي منسوب لنور الدين مضيان، عضو اللجنة التنفيذية لحزب الاستقلال ورئيس الفريق البرلماني، فسياق التحضير للمؤتمر الوطني الثامن عشر لحزب الاستقلال، فيه اتهامات ثقيلة لزميلتو فالحزب رفيعة المنصوري نائبة رئيس مجلس جهة طنجة الحسيمة.
مضيان وفق التسجيل الصوتي المسرب، قال على المنصوري بلي كان مصاحب معها وهو لي احتضنها ورباها وكبرها، مضيفا: "كانت كادير طروطوار فوجدة" في إشارة إلى أنها "مومس".
وأضاف مضيان وفق التسجيل :"كانت معايا وكاضرب الكورصات وكتصيد بطوموبيلت ..احترم راسك ولا غادي نشر فضايحك كامل وبجسدك وميكي على مضيان هو لي نجحك".
وتابع مضيان: "قريتها واحتضنتها وربيتها، وكبرتها ونهار عرفتها متشردة ودرهم معندهاش ومعرفتهاش كمناضلة وبلا منقوليك. ميشرفني ندير وحدة بحالها.. ميمكنش ناخد وحدة سميتها رفيعة المنصوري.. دفعتها نحو الأمام باش تمسح التاريخ الأسود لأسرتها".
وجاء في التسجيل على لسان مضيان: "أنا لي صنعتها، ومعمرها تزوج كون ماشي أنا. وهي معروفة بنت من ف تارجيست. عائلتها هي القليلة فتارجيست وختها قتلت راسها".
وكان مضيان٬ نفى فتصريح ل"كود"، بلي مشافش حتى شي تسجيل منسوب له، ونفى يكون عندو تسجيل صوتي ولا فيديو بخصوص رفيعة المنصوري نائبة رئيس مجلس جهة الشمال، مؤكدا بلي "كولشي مفبرك".
يشار بلي المنصوري دارت شكاية ضد مضيان، كتهمو بالتشهير ونشر مزاعم بالإجهاض نتيجة علاقة جنسية والسب والقذف.