لا تيتي لا حب لملوك: اتحاد العاصمة دارو ريوسهم فالكابرانات وتقصاو حتى من كأس الجزائر

بقاو اتحاد العاصمة الجزائري دايرين ريوسهم فالكابرانات حتى بقاو بلا كأس الكونفدرالية اللي خسرو فذهاب الدومي فينال ديالو أمام نهضة بركان بقرار من الكاف ب3 لزيرو، وبلا كأس الجزائر اللي تقصاو منو.
وبعد 3 أيام من فضيحة ذهاب دومي فينال كأس الكونفدرالية الإفريقي اللي تفضحو فيه كابرانات الجزائر، تقصاو اتحاد العاصمة الجزائري من دومي فينال كأس الجزائر مع شباب بلوزداد بالبيلانتيات، بعدما سالا الماتش بالتعادل السلبي زيرو لزيرو، وتأهلو بلوزداد للفينال.
وتأثرو اتحاد العاصمة بزاف بضغوطات الكابرانات اللي خرجو عليهم فدومي فينال كاس الكونفدرالية الأفريقي فماتش الذهاب ضد نهضة بركان، وصدر قرار الكاف بخسارة الفريق أمام النهضة بنتيجة 3 لزيرو، حيث سلطات الجزائر حجزت على تونيات الفريق المغربي، وفنفس يوم صدور القرار خسرو دومي فينال كأس الجزائر.