الكابرانات حطو ريوسهم فموقف صعيب بسبب توني بركان ورئيس الاتحاد الجزائري ما عرف باش تبلا وولا باغي غير السلاك

موقف صعيب حطو فيه كابرانات الجزائر ريوسهم واتحاد الكورة ديالهم وفريق اتحاد العاصمة، حيث حيدو التونيات لنهضة بركان وما باغينش يخليهم يلعبو بهم ذهاب دومي فينال كاس الكونفدرالية الافريقي غدا السبت، بسبب خريطة المغرب اللي فصدر التوني.
وحطو الكابرانات ريوسهم واتحاد كورتهم وفريقهم اتحاد العاصمة فموقف صعيب بزاف، حيث الاتحاد الافريقي لكرة القدم راسل الجزائر، وخيرهم بين انهم يرجعو التونيات لنهضة بركان يلعبو بهم، او ان اتحاد العاصمة يخسر الماتش، وبان تأثير الكاف بشكل واضح على وليد صادي رئيس الاتحاد الجزائري لكرة القدم، خرج فواحد التصريح على هاد الأزمة وهو غير كيدخل ويخرج فالهضرة وكيرطب، وقال: "حنا متبعين هاد القضية مزيان، وبغينا الماتش يبقى فالجانب الرياضي ديالو وماشي شي حاجة اخرى، وتكون الروح الرياضية، واتحاد الكورة ديما كيساند اتحاد العاصمة وكيتماشى مع قرارات الفيفا والكاف وهادي غير مباراة ديال الكورة".
وطالب الاتحاد الأفريقي لكرة القدم الجزائر، بإما انها ترجع التونيات لنهضة بركان باش يلعبو ضد اتحاد العاصمة غدا الاحد، او ان الفريق الجزائري غيخسر المباراة.