البوليساريو كتلمح لعدم رضاها على دي ميستورا و كتبرر عدم انخراطها فالعملية السياسية بعامل الوقت

elouali.zaz.1987@gmail.com
لمح زعيم جبهة البوليساريو، إبراهيم غالي، فتصريحات صحافية لعدم رضا جبهة البوليساريو من عمل المبعوث الشخصي للأمين العام للأمم المتحدة لنزاع الصحراء، ستافان دي ميستورا، فالوقت اللي قادت هي والجزائر حملة إعلامية كبيرة تتهم فيها المغرب بتوجيه دي ميستورا للاستقالة.
وقال زعيم البوليساريو، بللي ما يمكنش يدار تقييم لعمل ستافان دي ميستورا على النزاع فهاد الوقت، محاولا فذات السياق تبرير عدم تحقيق أي تقدم في العملية السياسية ديال الملف، لاسيما وأن التعثر اللي كيشوب العملية السياسية مرتابط بموقف الجزائر اللي رافضة صيغة العملية السياسية على شكل موائد مستديرة وباغة فقط "مفاوضات مباشرة" بين المغرب والبوليساريو.
وأضاف زعيم البوليساريو أن دي ميستورا مازال فبداية مشواره، مشيرا أنهم فالبوليساريو باغيينو ياخد تجربة من المبعوثين اللي قبل منو ويعرف الأخطاء اللي دارو وحتى النجاحات اللي حققوا.
ويذكر أن المبعوث الشخصي لنزاع الصحراء خدا بزاف ديال الوقت فالنزاع فظل تعنت الجزائر والبوليساريو ورفضهم الانخراط بجدية فالعملية السياسية وبحسن نية وبدون شروط مسبقة، بحيث حطوا مجموعة من الشروط عليه باش يعاود إطلاق العملية السياسية.
ويشار أن المبعوث الشخصي للأمين العام للأمم المتحدة لنزاع الصحراء، تعين فمنصبو من طرف الأمين العام للأمم المتحدة، أنطونيو گوتيريش بتاريخ 7 أكتوبر 2021.