المارشي الجديد ديال السكن الاقتصادي فكازا تفرق.. فيه تقريبا 200 ألف برطمة مخصصة لإعادة إيواء قاطني البرارك وكاين لي دا حصة كبيرة فيه

المارشي الجديد للسكن الاقتصادي فكازا تفرق. وثائق رسمية تتوفر عليها كود"، تكشف أن شركة الدار البيضاء للإسكان والتجهيزات حسمات فالعروض المقدمة بشأن مشروع إحداث تقريبا 200 ألف وحدة سكن اجتماعي، والمخصصة لإعادة إيواء قاطني دور الصفيح بالجهة.
وبينات هاد الوثائق أن هاد الوحدات موزعة على النفوذ الترابي لزوج عمالات ومقاطعتين بالجهة، وهما عمالتي الدار البيضاء والمحمدية، ومقاطعتي النواصر ومديونة.
وبلغة الأرقام، فإن نصيب المحمدية من هاد المارشي تحدد في 47726 وحدة سكن اقتصادي، موزع إحداثها على جماعتي بني يخلف والشلالات، بينما بالنسبة لعمالة الدار البيضاء فبلغ العدد 17768 سكن اقتصادي، موزع تشييدها على جماعات مولاي رشيد، والحي الحسني، وسيدي البرنوصي، وعين الشق. وقد ظفرت (TETOUANE CITY) بالحصة الكبيرة للعدد الأكبر من الوحدات المشيدة تحت هاد الاسم والمحددة في 10500 برطمة.
وهاد الرقم راه مضروب فأكثر من الضعف في مقاطعة النواصر. فالتوزيع يظهر أن مارشيها فيه 157768 سكن اجتماعي، ولي مبرمج يتشيد في جماعات دار بوعزة، وبوسكورة، وولاد صالح، وولاد عزوز.
ومن ضمن هاد الحصة، تفيد الوثائق أن (REALIS PROMOTION) رسا إحداث باسمها 2400 شقة، و2337 ب (RESIDENCE DAR SAADA)، و4600 شقة ب(MY PROMOTION IMMOBILIERE).
أما بالنسبة لمقاطعة مديونة، فالعدد بلغ 14911 وحدة سكنية، ولي كيتوزع إحداثها بين ثلاثة جماعات، وهي الهراويين، ومديونة، والمجاطية. وكما هو الشأن بالنسبة للنواصر، ففهاد الحصة حاضرة بقوة (RESIDENCE DAR ESSADA)، بعدد شقق غتشيد تحت اسمها واصل ل6443. بينما ال (DOUJA PROMOTION/GRPE ADDOHA)، محدد رقم شققها ف1893.