فضايح اخرى على كرانس مونتانا: شكون كذب عليهم فوسائل التواصل الاجتماعي: فيديوات ما شافها حد وصفحات مشوهة ماشي لا بلغة صحراوة ولا بلغة البوليساريو واخطاء يتحمل مسؤولون امنيون مسؤولية فيها

منتدى كرانس مونتانا كان يكمن ان يوازي نجاحه الديبلوماسي الكبير نجاح تنظيمي بنفس الدرجة، لكن وقف حمار المنظمين في العقبة. لنأخذ وسائل التواصل الاجتماعي. منتدى مثل هذا كان يجب ان يحضر بشكل لافت على الفايس والتويتر وانستاكرام واليوتوب. البوليساريو التي وظفت بدعم مادي جزائري، كل طاقتها من اجل التشويش على المنتدى الذي شهدته الداخلة الاسبوع الماضي، لم تفتح. كان هذا يمكن ان يشكل دفعة قوية للغاية للمنظمين -الجهة المغربية ماشي السويسريين والفرناسويين اللي عايشين فموناكو- كي يستغلوا وسائل التواصل الاجتماعي، وحتى المغاربة لم يستغلوه.
لنأخذ مثلا حوارات اجرتها الجهة المنظمة مع قادة العالم الحاضرين، فدومينيك دو فيلبان وزير خارجية فرنسا ايام شيراك ما شافوه الناس بزاف. يالله شي 500 واحد واخا دارو ليه السبونسورين يعني خلصو عليه باش يشوفوه اكثر. المشكلة ان بثه بعد ايام من اختتام المنتدى خطأ والعدد القليل من مشاهديه حتى هو مسؤولية اللي خدا ها المارشي وما دارش خدمتو. مشكلة اخرى لمغاربة كيتحملو المسؤولية فيها ومنهم والي امن العيون عبد العالي زراد، وغادي نكول ليكم علاش حقاش "كود" عاينت هاد المشهد.
اثناء الحوار الذي اجراه فريق "كرانس مونتانا" مع دوفيليبان، ظهر ان اسم الداخلة ما باين منو الا الاحرف الاخيرة بالفرنسية. يعني ان الاسم مخبي كاين غير المغرب. وهاد التعبئة ديال الدولة بكل اجهزتها كان باش تبان الداخلة ماشي المغرب بوحدو. صحافية مغربية نبهت المسؤول الفرنسي اثناء التسجيل لكنه اكتفى بهز رأسه، وبالتزامن مع ذلك كان والي الامن داخل قاعة اجراء الحوار فاحتج على حضور صحافيين مغاربة وهدد الصحافية بسحب البادج. وشفتو علاش بحالو ما خاصهم يكونو تماك، خاص الناس اللي كيفهمو فالتواصل ماشي فالامن.
نشوفو الفايسبوك، كان كرانس مونتانا حضورو باهت تقريبا، فصفحات مثل صفحة حول المرأة الافريقية المشاركة في المنتدى لم يتابعها الا 3 الاف واحد واخا هاد الشي راهم شراو المعجبين وكلشي وصفحة المنتدى بشكل عام ما تلقاوهاش، وحتى ديك الصفحة فيها مقالات قلال وبالفرنسية. دابا هاد الناس اللي عطاوهم المارشي واش عارفين الداخلة والصحرا ولا اللا: اولا اللغة الرسمية هي العربية وكان ممكن يديرو الحسانية اللي قريبة بزاف بزاف من العربية الفصحى، ثانيا كانو يديرو الاسبانية اللي لغة كيفهمها نخبة البوليساريو والصحراء من وحدويين وانفصاليين.