حدث الاسبوع. عراسيات لملايرية خسرو فيها اكثر من 4 دلملاير. عرس الدرهم وعرس الصفريوي. الاول عرس كاع لمغاربة والثاني عرس العلاقات العامة وواش لقصر كيبغيني

شهدت مراكش السبت ما قبل الماضي حفل زفاف بنت رجل الاعمال حسن الدرهم بابن خليهن ولد الرشيد بمراكش. عرس مغربي بكل ما تحمله الكلمة بمعنى: كلشي حضر ليه ما كان لا تصنع ولا عياقة ولا تبعكيك لدرجة ان اللي جا يدخل ووصل عدد الحاضرين قرابة الالفين منهم 700 ما تعرضوش ولكن ما جرى عليهم حد.
في الدار البيضاء شهد السبت الماضي حفل زفاف بين بنت الملياردير انس الصفريوي بابن احمد عصمان. حفل تحول الى مناسبة للعلاقات العامة كلشي فيه غير باش يبان الصفريوي راه ماشي مغضوب عليه. عرض على السياسيين بزاف خاصة من احزاب المعارضة: الاستقلال والبام وحضرو التجمع الوطني للاحرار بسبب علاقتهم بمؤسس حزبهم احمد عصمان. عرس كان خيالي ولكن متصنع بزاف بزاف. كلشي مراقب "كالو لينا ما تصوروش" يقول برلماني ل"كود حضر حفل زفاف الصفريوي.
الصفريوي حاول الحفاظ على صورته من خلال منع خروج صور عن الحفل حتى لا يظهر انه باذخ جدا. الصفريوي كان همه القصر فقط٬ حتى النسيب اختارو لانه نسيب للقصر. جاب الوزاء الافارقة حقاش عندو استثمارات تماك وفرض على وزراء مغاربة يحضرو.
عرس العلاقات العامة كان بعيد على الشعب حقاش ماشي الشعب هو اللي هامو وماكانش فيه التمغرابيت اللي كانت فعرس الدرهم.
فهاد العرس =اي الدرهم= كان فيه هاد التمغرابيت. حب المغرب من الاغاني حتى عينة الحضور حتى دار مفتوحة للجميع: ولد خيمة كبيرة وصافي.
العرس ديال الدرهم جاه فؤاد عالي الهمة وعرس الصفريوي ما جاهش الهمة. وراه عرفتو علاش