تحقيق. الفساد مازال بخير وكيتأقلم مع المرحلة. باش شي وحدين يربحو جماعة معروفة خاصهم 25 مليون درهم وها كيفاش كيبتزو الشركات والمرشحين اللي كيقلبو على مقاعد

واخا خطاب الدولة كيتحدث كل مرة عن ضرورة القطع مع كل اشكال التزوير والفساد فالفساد يظهر انه اكبر بكثير من ان يتم القضاء عليه. تشعشع وماليه ما بقاوش غير تماسيح ولاو ديناصورات مقاومة للاندثار. "هاد الشي للي كيكولوه دابا فالحكومة راه غير للاستهلاك الخارجي راه يستحيل نكون انتخابات نزيهة كيفما كيصوروها" يقول مرشح رفض الكشف عن هويته ل"كود". المرشح له خبرة كبيرة في الانتخابات البلدية والتشريعية. بالنسبة له "باستثناء حزب العدالة والتنمية ومرشحين محدودين لبعض الاحزاب راه ايلى ما كان فلوس ما كاين لا نجاح لا فالانتخابات البلدية ولا المهنية" يضيف مصدر "كود".
هاد السيد ماشي متشاءم بل واقعي "دابا ايلى بغيتي تربح بلدية فمدينة معروفة وماشي مهمة بزاف خاصك 25 مليون درهم" يشرح مصدر "كود"، لكن هاد الشي بزاف؟ "اللا " يرد المصدر، "دابا عندك لائحة فيها غير 21 واحد، راك خاصك تقلب على اللي غادي يربحك اصوات. يعني خاصك فلوس باش يقبل يترشح معاك ايلى ما كانش من حزبك. راه كاينين احزاب ومعروفة كيعطيوك غير التزكية وانت كتقلب على كلشي. بلا ما نهدر على اللي كيشري هاد التزكية" يشرح المصدر ل"كود". لعبة لابيرانت صعيبة وكتلف. ببساطة الى شريتي التزكية ومن بعد شريتي اللي غادي يترشحو معاك باش تضمن تنجح اكبر عدد فاللائحة راه يالله قطعني نص الطريق وهاداك المبلغ ديال 25 الف درهم غادي يكون مشى منو النص ولا اكثر.
الحملة واخا تكون نظيفة وكلشي مصور بالكاميرات راه تخسر فيها لفلوس" يضيف مصدر "كود". هاد الشي مستحيل لان لفلوس كدور وكل مرة كيطورو المرشحين اساليبهم باش ما يتفرشوش. بعد الحملة كتجي فترة تشكيل المكتب وهاديك الساعة الثمن كيطلع بزاف "واش كتعرف باللي اللي معاك فاللائحة ممكن يصوتو ضدك. كيبدا داك الشي بحال سوق الدلالة وشكون يعطي اكثر. راه على هاد الشي كتلقى وكيل لائحة كيهرب الناجحين معاه وكيقطع ليهم التفلون. حقاش شاري كلشي وخايف يبيعوه حتى هو" يضيف مصدر "كود".
بعد ما يتشكل المكتب يكون المرشح وصل ل25 مليون درهم ولا اكثر. المرشح الخبير في هذا العالم منذ ازيد من 30 سنة يؤكد ان ربح بعض الجماعات قد يكلف 100 مليون درهم للمرشح لكنه يضيف "راه يخسر هاد الشي ويربح الضوبل ديالو من بعد. واش كتعرف باللي بعض المرشحين كياخدو شيكات على بياض من مرشحين اخرين باش ينجحوهم واش كتعرف باللي شركات معروفة هاد الايام كيتم ابتزازها وما تقدرش تكول والو حقاش حتى هي غادية تربح اللي عطاتو فالصفقات ووو". يقول المرشح ل"كود" ويستغرب كون الناس لا تعرف ذلك "هاد الشي راه معروف والدولة عندها كل الوسائل باش تعرف هاد الشي" يختم مصدر "كود".
حملة يؤكد انها لن تختلف عن سابقاتها ويذكر ان ما وقع ويقع في الانتخابات المهنية اعطى صورة عما سيقع في البلدية. المرشح متفائل ان الفساد بخير وان تراجعه لن يكون اليوم الا بنسبة مشاركة تفوق 60 بالمائة "مادام النسبة قليلة راه صحاب لفلوس غادين يديرو ما بغاو ونهار ترتفع غادي الفساد والرشوة تقل ولكن ما تختافيش