فاللول جربنا دمية بنكيران ونجحات بشكل كبير وتجاوب معاها الجمهور، اختارينا بنكيران حقاش رئيس حكومة ومعروف. حنا فتونس عندنا دمية الحبالي (رئيس الحكومة التونسية) والمرزوقي (الرئيس التونسي) تعرف خويا الدمية مكلفة بزاف وخاص وقت طويل باش توجد ودرنا بنكيران حقاش نجم اللحظة.
"كود": واش بصاح تعرضتو لضغوط باش ما تدوزوش دمية "الهمة" من جهات في المغرب"؟ هادي سينما وباراكا من هاد لكلام. اولا حنا ما كنعرفو حد لا فالقصر ولا من هاد الجهات العليا، وثانيا ما عمر شي حد اتصل بنا وثالثا وهذا هو الاهم حنا طلبنا دمية الهمة وغادية تكون موجودة هي ودمى بلخياط وبنعبد الله الزمزمي ومن بعد نزيدو دمى لرياضيين وفنانين. كيف ما كلت ليك راه الدمى مكلفة وتحتاج بزاف الوقت
"كود": شكون كيخدم معاكم؟
الدمى ديال لمغاربة خدامين معانا مغاربة
"كود":؟وشكون هما هاد لمغاربة؟
حنا ماذمخبينهمش غادين نقدموهم نهار نديرو ندوة صحافية، حنا كندافعو على الديموقراطية والحرية وماىعندناش خطوط حمراء وما كنخضعوش لضغوط من اية جهة
"كود": وعلاش ما كانياش دمية للملك؟
هاد السؤال كيسولوه الجزائريين، علاش ما درناش دمية للرئيس بوتفليقة.
حنا فبداية الطريق، فالبداية نشوفو كيفاش يتقبلوا المشاهدين فالمغرب (تونس والحزائر والمغرب) كلو هاد الدمى ويتحرر وتصبح فثقافتو. فبرنامجنا الحالي ما كاينش تفكير فدمية على الملك ولكن ننتظر المستقبل ونشوفو يمكن تبدل العقلية. وكنركزوا على الاحزاب السياسية وكنكلمو على الديوان الملكي
نأكد ليكم شيء في "كود" حنا ما كنتمسخروش على ناس السياسة ايلى شفتي "ليكينيول" كنرجعو كلشي سامباتيك من النهضة حتى بنكيران ما عندناش مواقف شخصية ولا نوايا سياسية هدفنا يضحك اللي كنديرو ليه الدمية ويضحك المشاهد
