حيفظي رجل البصري الي كان كيعين العمال في سنوات القمع يريد ان يوظف مجلس المستشارين لاقحام الباطرونا في حسابات السياسة ويولي نائب بنشماش: خدم مع البصري وطردو وشرا ليه طونوبيل هدية وها باش جاوبو

صعد عبد الاله حفظي عضو المجلس الاداري الكونفدرالية العامة لمقاولات المغرب رئيس الفيدرالية الوطنية للنقل بسرعة واصبح نجم الاعضاء الثمانية للباطرونا في مجلس المستشارين. من يعرفونه عن قرب يؤكدون انه لعب دورا كبيرا في توريط الباطرونا في حسابات السياسة "كان من الناس اللي ورطنا كرجال اعمال فهاد اللي كعشتوه" يقول مصدر من الباطرونا ل"كود".
رغم معارضة جزء من كبار رجال الاعمال الاعضاء في الباطرونا نجح حيفظي في اقناع مريم بنصالح ليس فقط بالترشح بل بتقديم نفسه كوكيل للائحة. اليوم يقدم نفسه كرئيس للفريق او نائب لرئيس مجلس المستشارين حكيم بنشماش.
علاش هاد السيد طلع بهاد السرعة؟ الجواب عند احد زملائه في الباطرونا "حيفظي كان مع البصري واشتغل معاه فالديوان" يشرح مصدر "كود"
"اللي كيعرفو مزيان كيعرف باللي عندو طموح كبير ومازال كيفكر يكون وزير وياخذ شي منصب كبير. من نهار خدم مع البصري فالديوان وكان فواحد الفترة اقوى من بنحربيط مدير الديوان حينها وهو عندو هاد الطموح. راه كان كيعين العمال هاديك الايام" يحكي مصدر "كود".
الرجل الذي يريد ان يعطي لمساره المهني صفحة بيضاء بعيدة عن تلك التي كتبها مع ادريس البصري وقعات لو مشاكل مع الرجل القوي للحسن الثاني وغضب عليه بزاف "باش يرضيه شرى ليه طونوبيلة فولفو كحلا وداها ليه. البصري كال ليهم جريو عليه وبقى كيدور فيها فكازا"
دابا حيفظي اللي عاش سنوات التزوير الانتخابي وقمع الحريات وصنع الخارطة السياسية ولى كيعطي الدروس للاحزاب، ففي حوار مع "الاحداث المغربية" بلى حيا بلا حشمة كال باللي نسبة المشاركة فالانتخابات ضعيفة. السيد كيحن لعهد البصري وباغي يوصلها ل99 بالمائة ولا كيتفلى علينا؟ علاه شكون اللي ما شاركتش فالتصويت ماشي هما الباطرونا اللي وليتي كدافع عليهم باش درتي هاد الشركة ديال النقل. شوف الاحصائيات عاد جي عطي الدروس للاحزاب اللي كان بعضها ضد امثالك باش كنتي قوي ومتعني بقوة سيدك ادريس
وشوفو الباطرونا شكون اللي دخلات لمجلس المستشارين باش تعرفو تحالفاتها وطموحها السياسي