الباطرونا الخاسر الاكبر في انتخابات رئاسة المستشارين. اختارت التخندق سياسيا ووزير من الاغلبية ل"كود": باش من وجه قادين يواجهونا" ورجل اعمال ل"كود": بنا صغار وكراكيز

خلاصات كثيرة يمكن استخلاصها من انتخابات رئاسة مجلس المستشارين الثلاثاء الماضي بوصول حكيم بنشماش الى الرئاسة متفوقا بمقعد واحد على الاستقلالي عبد الصمد قيوح. فالباطرونا التي اصبحت تتوفر على 8 مستشارين في المجلس خسرت مع رجال الاعمال ومع رجال السياسة "مريم بنصالح واللي معاها غفلو كلشي باش يطلعو مستشارين بغاوهم هما. اجتماعات وقعات فالصيف وبزافت الشركات لكبيرة ما تمثل فيها حتى حد والطريقة اللي دار بيها باش تعطينا هاد 8 فيها نقاش كبير" يحكي رجل اعمال ل"كود".
رجل الاعمال استشهد في تصريحه ل"كود" بمجموعات كبيرة ما ترشح منها حتى حد، كما انتقد "سراب" المناصفة. واش ممكن تكون مناصفة فمؤسسة ما فيهاش 50 بالمائة من النساء. المناصفة فلسفة ماشي ريع" يضيف رجل الاعمال ل"كود".
طبعا هاد الشي خلى مشاكل داخل الباطرونا. تزادت عليها قرار الباطرونا ترشيح امرأة نايلة التازي لمنصب الرئاسة لكن بعد حسابات ظهر انها قد تضر بطرف سياسي وسحبت الترشيح "حنا باطرونا ما دخلناش نديرو السياسة. هاديك عندها ماليها. واش عمركم شفتو شي نقابة رشحات شي حد لرئاسة المجلس؟ كان خطأ الترشيح وكان خطأ السحب لانه بين باللي شي جهة كتحرك الباطرونا بحال شي كراكيز وبنا صغار" يضيف مصدر "كود".
لكن المثير هو ما تم تناوله من ان 7 من اصل 8 صوتو على حكيم بنشماش. امر اعتبره وزير في حكومة بنكيران ب"الخطأ الفادح" "دابا الباطرونا ما عندها حزب وعلاش خدات هاد الموقف. كون كانت نيتها صافية كون دارو بحال صحاب الاموي اللي قرروا يمتنعو. دابا هما اليوم طرف سياسي وباش من وجه غادين يواجهونا ويقابلونا فالحكومة" يضيف مصدر "كود".
امر قلل منه قيادي من الاصالة والمعاصرة "هما فمجلس وهما كالو باللي ما كانش توجيه ومن حقهم يصوتو على اللي بغاو. الباطرونا ناس فالغالب حداثيين واختارو مرشح قريب من فكرهم" يؤكد مصدر "كود". طبعا هاد الاختيار عندو كلفة سياسية غادين نشوفو ثمنها قريبا.