"كود" تفضح تلفزيون لعرايشي والشيخ نيشان

فضيحة بجلاجل لي دايرينها واحد جوج فكاهيين ديال تعواج الفم وتخراج العينين محمد الخياري وعبد الخالق فهيد. هاد جوج ولاو دايرين حلف في ما بينهم حلف ديال فكاهة باببب وراك في ملكي وحوزي وبغيت البيت الحمر وركراكة وجوادي يفركو الأرض أو فكاهة المتازطاز لي قالها ابراهيم الخاي المعروف بالنقطة في شي واحدة من حلقات لفهايمية على دوزيم. ايه سيدي هما لي فاهموا علينا لي لاقين أبواب تلفزيون العرايشي وسليم مفتوح ليهم.

فهيد أو ميلود أو ولد العياشية حسن لي يمشي يشد التقاعد رها داكشي عندو سالا، نفس الحركات، نفس التعواج، لا جديد لم يطور نفسه على مدار هذه السنوات، لأنه تيآمن بنظرية واحدة غير تشغل الكاميرا يكسيري الفم وما جاب، والنوبة ديال صاحبو الخياري جاية في النصف الثاني من رمضان.

تكتور في الخيوبية في الثلاثين الذي يبث على الأولى، لي هو الخياري جمع فيه داراري ديال برنامج كوميديا ودارهم تحت باطو ومدردرك عليهم مزيان هو لي مغني الجينيريك كن قلبها الغنا حسن ليه عندو صون ديال العيوط، هو لي تيبان في الحلقات، كلشي داير عليه وحولو أما الباقون غير مأثث بهم الحلقات باش يبقى ديما هو لي بان نامبر وان في الفكاهة حسب اعتقاده وحسابه.

تصوروا هاد السيد باغي يبان غير راسو والمنافسين ديالوا في الميدان حاضيهم مزيان البق ميزهق محمد الجم لي ماكينش هاد العام كان أول واحد لي بارك ليه التوقيع على عقد مع سبيكمتوب باقي الجم يالله دخل المقاطعة للمصادقة على الإمضاء اتصل به خونا في الله عبر الهاتف باش يبارك ليه. اسيدي برافو واحد هو لي نش على كبالتو مزيان