خاص. مزوار حيد الحيطي من الطريق وهو اللي كيشرف على كلشي فقمة المناخ بباريس وشي وزرا الغاو مشاركاتهم وها علاش

////
حكيمة الحيطي الوزيرة المنتدبة المكلفة بالبيئة حيدات من الطريق وماشي هي اللي كيقود الوفد المغربي في قمة التغييرات المناخية بباريس "كاب 21″. الحيطي كانت عندها 15 دقيقة ديال المجد فقط نهار زار الملك محمد السادس الرواق. حقاش هي اللي دارت الجولة وشرحات ووو. من بعد بعدات من كلشي حقاش كبير عليها وفق مصدر ل"كود" بباريس. "دابا القضية ديال دولة ماشي ديال وزارة واللي كيسير كلشي دابا وكيرأس الوفد هو وزير الخارجية والتعاون صلاح الدين مزوار" يشرح مصدر "كود".
مسيكينة كانت باغية تبان ولكن حضر مزوار وهي ترجع للاور. "المغرب هو اللي غادي يحتضن القمة المقبلة وخاص وزير الخارجية هو للي يشرف. شوف فرنسا راه فابيوس هو اللي داير كلشي" يضيف مصدر "كود"
وفي علاقة بالقمة علمت "كود" ان بعض الوزراء كانو سيقدمون مداخلات خلال القمة غير ان تواجدهم رفقة الملك محمد السادس في الامارات جعلت بعضهم يتغيبون وعوضهم زملاء لهم.