ثقبة كبيرة فامن سفارتنا بباريس. كيفاش دخلو افارقة ليها وطلعو بمكتب السفير بلا ما يبرزطهم حد والمغرب اضعف سفارة امنيا في السفارات المغاربية =فيديو الشوهة

دابا كون دخل شي داعشي لسفارتنا بباريس غادي يطلع حتى لمكتب السفير ويمكن يحط قنابل وحتى واحد ما يدر ليه البال. هادا سيناريو خايب تخيلناه٫ ولكن باش تشوفو هاد الفيديو ديال دخول نشطاء يطلقون على انفسهم "جيش ضد الاستعمار" ويعتبر ان القارة الافريقية يجب ان لا يسكنها غير السود٬ طلعو بلا ما يصدعهم حتى واحد وكانو كيصورو بدون ازعاج
الفضيحة ان كلشي بان خايف ومتهرب من مسؤوليتو. شكون اللي خلاهم يطلعو وعلاش كيخلصو المسؤولين على تأمين السفارة وفين هما المكلفين بامنها؟
هاد لفضيحة ما خاصهاش دوز هاكاك وخاص المحاسبة لكل مسؤول عن التقصير فيها. دبا لحد الان حتى واحد ما تعاقب. سفارة السيبة وصافي. هادي خاص السفير يطير فيها وقبل منو المكلف بتأمين حراسة السفارات المغربية فالعالم كلو يعاقب بسبب هذا الخطأ الجسيم. اما هاداك البيان الشوهة اللي داروه راه كيدينهم ماشي كيشوه هادوك اللي هجمو. بغاو يغطيو الشوهة الامنية بجمل انشائية. دابا هاد الناس عينهم فالجزائر والمغرب وتونس. علاش اختارونا غير حنا حقاش عندنا ثقة امنية كبيرة. زعيمهم طلع لمكتب السفير ودار خطابو على خاطرو