شكون خاصو يودي فضيحة الفاي لكبيرة فحراسة الملك بعد وصول شخص لسيارته: شوفو الدركي اللي خاصو يحمي محمد السادس كيفاش قلل السرعة وسائق السيارة اللي فيها الملك فتح الشرجم وخاص تغيير جذري لحماية امن رئيس الدولة

فضيحة كبيرة بزاف بل خطيرة وقعت امس الاثنين في العاصمة الرباط. اقتحام الموكب الملكي من قبل شاب كان مقيما في اسبانيا. محمد السادس في اول نشاط له بعد عودته من زيارة /خاصة رسمية/ لباريس يقوم بتدشينين مهمين: السكك الحديدية والصحة، وخلال تنقله خرج مواطن وتخطى كاع الاجراءات الامنية. فالفيديو اللي تعاود تنشرو "كود" بان هاد الشاب اولا عارف مزيان الطونوبيلة اللي فيها الملك محمد السادس، وثانيا عارف وقتاش يتحرك. باش مشى كيجري تجاوز الموطار الاول والثاني والخطير ان الموطار الثالث قلل السرعة مما سمح للشاب باش يوصل لطونوبيلة الملك.
فاي كبيرة اخرى وقعات. سائق سيارة الملك دار خطأ اخر، حقاش وقف وكان يضربو لان امن رئيس الدولة مهدد، وعوض ذلك تحاشاه وفتح النافذة. هاد الشي خلى الشخص يرمي رسالة او بطاقة او طلب فوجة الملك ويهرب. وهادي فاي اخرى، حقاش هرب وبامتار معقولة عاد قدرو يشدوه.
هاد الشي كلو كيعني ان هناك مشكلة كبيرة فالامن المكلف بحراسة الملك. هاد الشي كان وقع فالعيون مع شابة اقتحمات الموكب الملكي ولكن كانت سيارة الملك بعيدة، فهاد الحالة الخطورة كبيرة، هاد السيد كان ممكن يكون ارهابي عندو حزام ناسف او سيف او اي حاجة، كيفاش حتى واحد ما رد ليه البال، وعلى هاد القبال خاص تغيير جدري فالفرقة المكلفة بحراسة الملك