هاد لمقدمية والقياد ما بغاوش يحشمو ونهار طيح العمارة يلصقوها فبنكيران. سدو محل ديال الماساج فالليل حقاش بلا رخصة وخلاوه يفتح فالصباح

فضايح لمقدمين والقياد عاطية هاد الايام. "اورا ميس" كيبان ديال الحلاقة ف18 زنقة المقري الدار البيضاء، فالزنقة اللي فيها كلينيك المسيرة، ولكن مولاتو لالة كلثوم دايرة فيه حمام وماساج وحلاقة. ما علينا، البارح جا لمقدم طبعا غادي يكون رسلو القائدة ولا القايدة وكالو ليها سدي باش اكتشفو انه ما عندها رخصة للحمام. طبعا الجيران تشكاو وتشكاو ما عمر حد داها فيهم.
هاد لمقدم صحبتوه دار القانون، اللا، حقاش فالصباح اتصلت مولات المحل بناسها وكالت راها دورات وراه المحل تفتح. لفضيحة ماشي هاد الشي، هادي خاصها تجي لمحلها مفتشية الشغل حقاش بنات وولد خدامين معاها هادي 3 سنين وما كيتخلصوش اللي كيتخلص عندو 500 درهم للسيمانا.
دابا غدا يوقع شي انفجار وطيح هاديك العمارة غادي نحاسبو حصاد وبنكيران ماشي مقدم الحومة والقايدة