الصايل كايدافع على الزين اللي فيك و ممثلتو أبيضار: هزات الفيلم على كتافها

بلا زواق في الكلام،كان نور الدين الصايل المدير السابق ديال المركز السينمائي واضح فلهضرة ديالو و دافع في المواجهة مع بلال مرميد على قناة مدي1 على فيلم الزين اللي فيك للمخرج نبيل عيوش.
الصايل قال لمرميد بأنه فيلم عادي و لكن ماشي لأن الضجة ناضت عليه نتنكروا للقيمة الفنية ديالو،و زاد اكثر من هادشي لما سولو مرميد على الممثلة لبنى أبيضار و صرح الصايل بأن هاد الممثلة هي اللي هزات على ظهرها هاد الفيلم
هادي أول مرة كايعطي فيها الصايل الرأي ديالو بصراحة في الفيلم و اللي بزاف ديال المسؤولين ما قدروش يقولوا كيفاش جاهوم عيوش و الفيلم ديالو و بقاو ساكتين
نقاط كثار جاوب عليهوم الصايل و لو أنه تفادى طيلة المواجهة أنه يذكر اسم مصطفى الخلفي و الخليفة ديالو في المركز السينمائي صارم الفاسي بالاسم رغم اصرار بلال مرميد.مواجهة كبيرة و الصايل بين أنه رجل يحترم بزاف بالمواقف ديالو و بالخصوص بالاطلاع ديالو الكبير