فضيحة:نبيل عيوش لم يتوصل لحد اليوم بإشعار منع الزين اللي فيك

في أول خروج إعلامي ليه منذ منع شريطه "الزين اللي فيك"،قال نبيل عيوش "في مواجهة بلال مرميد" على راديو ميدي1 بأنه ما توصلش لحد الآن بشي ورقة كاتخبرو بالمنع و بأن القرار قراه بحال الناس في بلاغ وقعو مصطفى الخلفي.نبيل عيوش اللي كان متوتر فحوارو مع مرميد،صرح بأن مدير السي سي إم صارم الفاسي قاليه بأنه ماشي هو مول قرار المنع و هو ما يؤكد بأن هذا الأخير متجاوز.في المواجهة،سول مرميد المخرج عيوش على اللقطة ذات الطبيعة البورنوغرافية اللي شافوها المغاربة في الانترنيت،و نبيل عيوش ما كانتش عندو إجابة واضحة و بقى كايراوغ في الكلام.
دابا من بعد هاد الحلقة،الوضع ديال مدير المركز السينمائي خايب لأنه كايبان على عكس السلف ديالو الصايل،غير مؤثر و الأمور كاتتجاوزو.الاكبر من هادشي كامل هو أن المنع كيف قاليه بلال مرميد جعل الفيلم ينجح،و هاهي الممثلة ديالو لبنى أبيضار رشحوها لجائزة أفضل ممثلة في ليلة "السيزار" فباريس.إيوا شفتيو المنع آش كايدير؟
رابط الحلقة