عطيه العصير. الناجي كيقري المتخلف الطاهر بنجلون: لمغاربة صوتو على البي جي حقاش اذكياء وانت كتبيع كتبتك اللي كيدفع اكثر وهما ما باعوش اصواتهم

الطاهر بنجلون سبنا كمغاربة. هاد السيد اللي كان واحد النهار خدم فالنوار خادمة مغربية وناضت القيامة ففرنسا واتهم من قبل بينبين المعتقل بسرقة روايته على تازمامارت خرج فشي حوار تلفزيوني كيسب لمغاربة اللي صوتو على العدالة والتنمية. كال الاستاذ اللي جا المغرب باش يهرب من ضرائب فرنسا باللي هادوك اغبياء ما قارينش. لقى اللي جاوبو. الباحث الانتروبولوجي محمد الناجي في تدوينة على الفايسبوك عطاه العصير وقراه درس واخا عارفينو غادي ينساه. الناجي قال "خلافا للطاهر بنجلون. كنظن ان المغاربة اسلاميين ولا اللا متدينين ولا اللا٬ صوتوا على العدالة والتنمية حقاش اذكياء".
الناجي اضاف انه اي الطاهر بنجلون كيبيع كتاباتو للي كيعطي بزاف وهما ما باعوش صوتهم.
وجابو وعطاه الضربة القاضية لهاد المتخلف هاد الطاهر باش جبد ليه قصة الخادمة وكال ليك بحالك ما خاصهم يعطيو الدروس لشعب كلو
السي بنجلون المربي القاري الفاهم كال ب"الشعب المغربي ما رباوهش اش نا هي الديموقراطية" واضاف "باش صوت على حزب اسلامي محافظ رجعي عنصري وجدد الثقة فيه راه كيعني ما مربيش"