دابا يمكن يسكتو ولا يگرو. ها علاش هاد الفيلم ديال اعتقال بنحماد والنجار كلو مسجل فيديو

اعتقال بنحماد والنجار نائبي جماعة الاصلاح والتوحيد بالمنصورية كيمارسو الجنس ولا كيفطرو بكوكا حسب رواية بنحماد فيها معطى اخر حصلت عليه "كود". يتعلق الامر بكون الفرقة اللي كانت موجدة لاعتقال بارون مخدرات معروف وهاد الشي فخبار النيابة العامة٬ كانت مجهزة بالة تصوير رقمية بجودة عالية. "هاد الشي بتعليمات من المدير العام للمديرية العامة للامن الوطني عبد اللطيف الحموشي بعد كثرة الاتهامات بالشرطة بالرشوة٬ قرر ان شرطة المرور والفرقة الوطنية باش تكون خدامة على شي ملف كبير وممكن تكون فيه شبهة رشوة كتكون كاميرا رقمية غير مرئىة كتسجل كلشي. هاد الشي "اجراء اداري" احترازي باش ما يطيحوش فشبهة الرشوة داخل فاختصاص الادارة العامة. هاد الكاميرات فعدد من المدن وبالاساس في مدينة مراكش.
اعضاء الفرقة الوطنية كان عندهم الكاميرا فصباح السبت حقاش متبعين بارون كبير ديال المخدرات. طبعا باش لقاو بنحماد وطلبو منو فالاول يبعد وكان الملف غادي يسالي وهو جبد ليهم انها مراتو وباش سولوه على العقد كال ليهم عرفي وقع شك. هاد الفيلم كولو تسجل صوت وصورة. يعني كيف كانو كالسين واش بصاح كانوا كيفطرو واش لقاو فالفوطة وكاع الفيلم مسجل.