ها كيفاش كيدعم محمد السادس الاسود فالغابون. المغرب بوحدو اللي ما عندوش وفد رسمي فيه وزير باش يبعد السياسيين من هاد القضية والاتصال مباشر بينو وبين لقجع

الملك محمد السادس يتابع اول باول وضعية المنتخب المغربي لكرة القدم. حسب مصدر ل"كود" ماشي اول مرة ديما بحال هاكا سواء كانت النتائج او لم تكن ديما هناك دعم كبير للملك للمنتخب الوطني لكرة القدم. هاد المرة محمد السادس كيسول بشكل دوري على مسيرة المنتخب. سبق لصحف ان نشرت اتصالاته برئيس الجامعة الملكية المغربية لكرة القدم فوزي لقجع بعد فوزه في المباراة الاولى امام الطوغو ب3 اهداف لواحد ثم بعد فوزه على منتخب الكوت ديفوار وتأهله لربع نهاية كأس افريقيا للامم منذ سنوات عن غيابه عن هذا الدور.
الملك وفق مصدر ل"كود" من نهار الاول متبع هاد المنتخب "ما تنسناوش انه المنتخب الوحيد يمكن اللي شارك فهاد الكاس الافريقية اللي ما معاهش وزير الشبيبة والرياضة فالوفد ديالو". هاد الشي "باش ما يكونش استغلال سياسي للمنتخب وباش يخلي الجامعة تخدم بعيد على الحسابات وتوجد كلشي بشكل احترافي" يضيف مصدر "كود".
المنتخب المغربي هاد الدورة ما كيخليو حد يقرب منو. ما كاين حد يمشي للفندق ديالو" كما سبق ان شرح فوزي لقجع رئيس الجامعة في حوار سابق مع "كود"