كيفاش بنادم كيزندق الدولة كاملة وتا واحد مكيقوليه علاش بينما هو يرفض أي خطاب ضدو

هادشي لي وقع اليوم فمسجد محمد الخامس بالحسيمة كيبين بالملموس أن حنا لمغاربة عندنا واحد الشيزوفرينية كنعيشوها معا ذاتنا، ناصر الزفزافي هادي 7 شهور وهو كيضرب فالمغرب كامل، ضرب فالمواطنين وصنف بعضهم عياشة وبعضهم بلطجية، بيدق جميع المسؤولين، هاجم الملك، زندق الائمة، وماخلا ما قال وطيلة هاد 7 أشهر حتى واحد ماقاسو ولا جا لجيهتو.
فالمقابل كلما ناض شي حد يقول رأي مخالف للزفزافي ورباعتو كيخونوه وكيزندقوه، لكن أن إمام يهضر فخطبة الجمعة وتنوض ليه فهادشي غير مقبول والدولة لي ماتقدرش تحمي دينها لي كتقول أن دين المغرب هو الاسلام مادولة ما تاوزة.
الزفزافي 7 شهور ونتا كتخاطب الناس وكتهاجم المسؤولين ولا واحد فيهوم دار بيك شكاية أو حتى رد عليك، ولكن تنوض نتا يتهم شي حد تبقى تغوت وتفركل وهادشي كيفكرني بقضية الزنوج فأمريكا، رغم إنهاء الرق فالميريكان هادي عشرات السنين ولكن الناس مازالين كلما توقع شي حاجة لشي زنجي يتباكاو ويقولو الحكرة والعنصرية، فالوقت لي هوما يوميا كيقتلوا عدد من البيض الامريكيين وتاواحد من الميريكانيين مايقدر يفتح فمو وكيقولو عليها جرائم وصافي.
راه يلا بغيتي تكون ديمقراطي وطالب بالديمقراطية خاصك تتقبل رأي الاخر وترد عليه ماشي تقمعو وتبدا تسبو فوسط الجامع، نتا كظل تغوت فالشارع فالفايسبوك فالكوزينة وخلي الناس يهضرو ويقولو ورد عليهوم هادشي طبعا يلا كانت إدعاءاتك صحيحة وكتقول الصراحة وأن الامام هاجمكوم وبدا كيفتي، أما دير لعبة ضربني وبكا سبقني وشكا فراه عيينا منها، ومن بعد ماكانوا لمغاربة كيحتارموك رغم بعض أخطاءك راك قودتيها ومشيتي للحاجة الاكثر قدسية على لمغاربة وطاولتي عليها، دابا واش غانطالبوك تخرج في إعتذار كيفما نتا كطالب الجميع بالاعتذار للريفيين؟، يلا كانت عندك الشجاعة الادبية غادي تخرج في إعتذار على هادشي لي درتيه وتعتارف أنك غلطتي وبزاف ملي طاولتي على حرمة مسجد وزندقتي إمام وكأنك عالم بقلوب البشر دخل هذا فالزندقة والاخر في الحرائر والاحرار.