فيديو مؤثر بزاف بزاف لوالدة الزفزافي. كيفاش دافعات ام مفجوعة باعتقال ابنها: حنا ما عندنا بو ملك من غيرك امحمد السادس خود لينا حقنا ولا ما طلقوش لي ولدي تقتل راسي ومعايا ولادي والصور اللي خداوها من الدار هي اللي خرجات وها كيفاش ضروني حتى فقدت الوعي

فهاد الشي ديال حراك الريف ظهر معطى جديد. العائلة حاضرة بقوة. فعشرين فبراير العائلة كانت احيانا عائق امام الاحتجاج. الابناء كيديرو اعتبار للام للاب اللي ما باغي صداع اللي باغي ولادو يبقاو حداه وما يتسخسخش معاهم ايلى وقعات ليهم شي حاجة.
الاحتجاجات فالمغرب للوالدين دور محوري. اللي واقع فالريف هاد الايام فيه الجديد. شفنا كيفاش والد ووالدة الزفزافي مساء الثلاثاء مشاركين فمسيرة. اقل من 24 ساعة بعد اعتقال ابنهم ناصر الزفزافي. الوالد والام ما جاوش يبكيو على ولدهم جاو يوصيو المحتجين علي السلمية. جاو يشجعوهم على الاستمرار فالاحتجاجات.
هادا محفز لهاد المحتجين محفز لكاع لمغاربة اللي كيتقاسمو مع صحاب الريف نفس الفهم للدفاع عن الحقوق.
بعد فيديو الاب جا الدور على فيديو مؤثر بزاف بزاف للام. والدة الزفزافي دخلات كاميرا "اش 24" لدارها. دخلاتهم لبيت الزفزافي. الام المفجوعة باعتقال ابنها حتى في اشد لحظات الحزن ظلت صامدة. ورات الكاميرا فين كان كينعس الزفزافي فين كان عايش "ها فين كينعس. يصحاب لو اش من عندو ما عندو والو ها الموطع ديالو ها فين عايشين فين فلوس الجزئر واش جبرنا فلوس المغرب"
الام الشجاعة بينات العيشة البسيطة ديال العائلة "درت شوية الرور فالما" باش تاكل ثم قالت باللي تحمل هاد الشي لكن ما تتحملش يديو ليها ابنها او ما اعتبرته "حرق ليها وللريافة وللمغاربة".
الام دافعت عن خروج ابنها للاحتجاج "مطالبين بحقوقنا"
ثم كشفت جانبا من التدخل الامني في اول محاولة لاعتقال ابنها "هرسو علي الباب" وضربني ومشيت فغيبوبة" واضافت انها لما عادت لقات الدار مرونة واختفى "اليو اس بي" اللي كان عطاه ليها ولدها وفيه صورو. الام قالت ان ما نشر من صور موخود من هاداك اليو اس بي".
ووجهت الام نداء للملك "كنطالب محمد السادس ما عندنا بو شي ملك من غيرو يشوف فينا. ولادنا ما خدامينش" وطالبته باش يجي عندهم حقاش باش كان كيجي للحسيمة ما كانوش كيخليوهم يقربو منو واكدت ان ابنها ما عمرو كان ضد الملك
الام باغية غير السترة واكدت انها غادية تقتل راسها مع ولادها ايلى ما طلقوش ليها ولدها ناصر "حنا ما عايشينش