تصريحات هيرفي رونار فالندوة الصحفية بعدما ربحو الأسود منتخب أوزبكستان: عجبني بزاف اللعب ديال الكعبي وخاصنا ضروري نصلحو بعض الأخطاء قبل المونديال…

الناخب الوطني هيرفي رونار قال في الندوة الصحفية الي دار بعدما ربح المنتخب وديا أوزبكستان بهدفين دون مقابل، أنه فرحان بهاد الفوز وبالأداء ديال اللاعبين فالمبارة.
وفسر رونار علاش فهاد المبارة أغلب اللاعبين الي خاضوا ودية صربيا ماعبوش، وإعتمد على اللاعبين الي ما خاضوش المبارة الأولى، وأكد أنه كان باغي يقيس جاهزية وتنافسية اللعابة الي ماتعطا لهمش الوقت الكافي باش يبينو إمكانياتهم.
وأضاف الناخب الوطني أنه ضروري من إصلاح شي أخطاء الي بانو في المبارتين، وأكد أنه غادي يقوم بإعادة النظر في بعض المراكز اليبان الخلل فيها.
وشكر الأداء ديال أيوب الكعبي وخاصة بعدما سجل هدف المقابلة اللول في أول ظهور له مع المنتخب.
واخيرا قال هيرفي أنه مقتانع بأغلبية اللاعبين المتواجدين ضمن المجموعة، ولكن مازا محسمش في اللائحة الي غيتلعب بيها المونديال الروسي.