محمد السادس دار مع السعودية مزيان بزاف وما تستحقوش مملكة محمد بن سلمان. علاش كنحزرو ولي عهد متخلف طالق ناسو يقليو فالسم للرباط

التضامن المغربي مع المملكة العربية السعودية كان فشي شكل هاد المرة. ضربة الحوثيين للسعودية ب6 صواريخ كان التضامن المغربي كبير. وزارة الخارجية والتعاون كانت غادية دير بلاغ فهاد الموضوع للتضامن وفق مصدر”كود” الساعة دارت بناقص.
اللي خدا المبادرة هو الملك محمد السادس. ملك المغرب عبر عن إدانته للهجمات الصاروخية التي تعرضت لها المملكة العربية السعودية الشقيقية من داخل الأراضي اليمنية، معربا لخادم الحرمين الشريفين الملك سلمان بن عبد العزيز آل سعود عاهل المملكة العربية السعودية عن تضامن المطلق مع الشعب السعودي الشقيق. وجاء في برقية بعث بها الملك لخادم الحرمين الشريفين “علمت بشديد الاستياء والاستنكار، بنبأ الهجمات الصاروخية التي تعرضت لها المملكة العربية السعودية الشقيقة من داخل الأراضي اليمنية”. وأضاف الملك “إنني إذ أعبر لكم باسمي وباسم الشعب المغربي عن إدانتنا لهذا الاعتداء الإجرامي الغاشم، أؤكد لكم تضامننا المطلق مع الشعب السعودي الشقيق، ووقوفنا الدائم إلى جانبكم فيما تتخذونه من خطوات وإجراءات للحفاظ على أمن المملكة العربية السعودية الشقيقة، والتصدي لأي تهديدات تستهدف المس بسلامتها وباستقرار المنطقة”.
هاد الرسالة جات بعد ما ناضت صحف سعودية كتجبد فالمغرب وكتقول علاش ما اعلنش تضامنو معانا. وشي صحف مشات كتقول علاش وعلاش وعلاش.
الملك لعبها كبير حقاش تاصل بالملك. بين باللي هاد الشي يستحق اتصال اكثر. اتصال بين ملكين. باش يبين العلاقة المزيانة بين الشعبين. فنفس الوقت باش يقول لهاداك ولي العهد محمد بن سلمان اللي هو الامر الناهي فالسعودية اليوم.
ولكن علاش المغرب كيحزر فهاد الشعب وهو كيسب فينا. مستشارو هاد محمد بن سلمان كيسبو المغرب. كيقليو السم لينا. كيقولو ما غاديش نعطيكم صوتنا فالمونديال. علاش نكونو حنا ضريفين وهما يسبو. بن سلمان باغي ترامب وعندو موقف من المغرب. يمشي عندو.