الوزير الدكالي ينهي مهام مسؤولين كبار فوزارة الصّحة ودار أكبر عملية للتباري

وزير الصّحة أناس الدكالي واقيلا عاد فهم وعرف شنو واقع فالوزارة ديالو. وحسب مصادر “كود”، فإن الوزير الدكالي قرر إنهاء مهام عدد من المسؤولين الكبار الذين كانوا يتمتعون بحماية قوية منذ السنوات القليلة الماضية.
ويتعلق الأمر، حسب المصادر نفسها، بعمر بوعزة مدير الأدوية والصيدلة لي كان نايض عليه الصداع وكان محط اتهامات من قبل الجمعية المغربية للصناعية الدوائية وبعض البرلمانيين. هاد المنصب أعلنت الوزارة عن فتح باب الترشيح لشغله.
ماشي غير هاد المسؤول لي دار ليه الوزير الدكالي إنهاء المهام. وحسب مصادر “كود”، فإن الوزير قرر تفعيل نفس القرار في حق كل من مدير المستشفيات والعلاجات التنقلة لي كيعتبر أكبر فاشل فداك الوزارة وزيد عليه مدير السكان ومدير الأوبئة ومحاربة الأمراض ومدير الموارد البشرية.
الوزير مزال غادي يعيد النظر حتى ف الفريق ديالو سيما هادوك لي عاجبهوم الكرسي ومكيديروش خدمتهوم وزيد عليهم شي مسؤولين آخرين على مؤسسات صحية غيبوا ظميرهم المهني.