ازمة حكومية. واش غادي يكون تعديل حكومي ويطيرو شي كتاب دولة ما صالحين لوالو. وزير ل"كود": ما يمكنش نتحمل مسؤولية ولا نتقاسمها مع كاتب دولة ومستعد نتخلى على اي قطاع ايلى قلب رئيس الحكومة هاد الشرط

الازمة داخل حكومة ابن عرفة غادية وتتنوع. فشل فالحسيمة فشل فالتنسيق الحكومي فشل ففرض ابن عرفة شخصيتو الضعيفة على وزراؤو. دابا كاينة مشكلة اخرى سبق ل"كود" اكثر من مرة اثارت الانتباه اليها. يتعلق الامر بخدمة كتاب الدولة. لحد الان بزاف فيهم مشومرين ما كيديرو والو حقاش صلاحياتهم مازال ما خرجاتش فالجريدة الرسمية.
المعنيون بالامر قالو فوقت سابق ل"كود" باللي هما عينهم الملك على قطاع ودابا كيتسناو رئيس الحكومة يدير خدمتو ويعرفو اش كيديرو. هادو قالو باللي حتى مستشاريهم ما تخلصوش ووضعهم قل بكثير من مدراء مركزيين فالوزارات.
وزير في حكومة بنعرفة قال ل"كود" باللي الامر ماشي بهاد السهولة. المصدر قال ل"كود" باللي خاص وضوح فالمهام" المصدر شدد على انه وعددا من الوزراء مع فكرة منح اختصاصات واضحة لكتاب الدولة لكن بشرط ما نبقاوش حدا مسؤولين على القطاع تولي قطاعات تابعة لرئاسة الحكومة". المصدر اكد ل"كود" ان الجميع باغي يحاسب الوزراء على الخدمة ديالو وهاد الشي محتاج ان الوزير يكون هو المشرف الوحيد على القطاع ماشي يكون هاد الشي مشتت.
امام هاد الشي اما يتم التضحية بكتاب دولة او يتدخل رئيس حكومة ولكن مع هادا بقينا تماك