ها علاش ديما كنگولو محاكمة بوعشرين عبثية. ها المشتكية اللي ما حضراتش للمحكمة وجاية لموسكو مع وفد الياس العماري

اسماء كريمش اللي كتحرك فتنظيم مهرجان الداخلة السينمائي مع شرف الدين مدير المهرجان واحدى المشتكيات فقضية بوعشرين الغريبة المثيرة حتى هي فروسيا. جات لسان بيترسبورگ باش المغرب خسر مع ايران فاول ماتش الموند يال ومن بعد دخلات لموسكو. مع من ؟ مع الياس العماري اللي جراو عليه من البام او دارو فيلم بنشماس باش يعوضوه بيه.
الياس العماري حتى هو حاضر مع الوفد المرافق له٬ غير هاداك المصور ديالو مول الفيديو ديال اخنوش ارحل” واللي خدام معاه فالجهة ما جابوش معاه فحاشيتو اللي معاه.
الياس العماري والوفد المرافق له بما فيهم اسماء گريمش تعشاو البارح فالمعطم الروسي الشهير “الدكتور جيڤاگو” عن الروية الروسية الشهيرة لبوريس باسترناك اللي كتشوف فالساحة الحمراء وسط موسكو.
دابا الياس يجيب اللي بغى يكون مع من بغى من المشتكيات ديال بوعشرين غير هو كيفاش هادي مشتكية قالت فواحد الوقت لاقرب مقربيها باللي بوعشرين ما دار ليها والو٬ ما آمرش القاضي يحضرها بالقوة للمحكمة كيف دار مع مصرحات دافعو على بوعشرين. دخلات وخرجات من المطار والدون هانية.