ديبلوماسي و ووزير جزايري سابق كايمعني على البوليساريو : “المرحلة الجاية الجزاير غادي تقطع مع ديبلوماسية الشرعية الثورية “

الوزير السابق و الديبلوماسي الجزايري عبد العزيز الرحابي دار حوار مع صحيفة الشروق الجزايرية قال فيه ان الجزاير خصها تقطع مع ديبلوماسية الشرعية الثورية الى شرعية جديدة ديال المعرفة و التكنولوجيا ، وقال بالحرف جوابا على سؤال كيفاش غادي تكون المرحلة الجاية بالنسبة للجزاير :
“أظن أنها ستكون حاسمة بالخروج السلمي الحضاري من الشرعية الثورية التي أدت وقتها ولها فضل كبير على استقلال البلاد، لكن تستمر الحياة بتواصل الأجيال، ففيما بقينا نحن في الجيل الأول، تعيش الصين مثلا الجيل الرابع بعد موت الزعيم ماوتسي تونغ… هناك الشرعيات الجديدة هي شرعية المعرفة والعلم وشرعية العدل والتكنولوجيا هذه التي تحكم الشعوب وليس شيئا آخر.”
كما انتقد عدم دعم الحكومة لجزايرية لسكان الصحراء الطوارق في الجنوب بالامتيازات و اعادة توزيع الثروة نظرا لظروفهم الخاصة جدا.. وهي الحاجة اللي كايدير المغرب من زمان مع اقاليم الصحراء بحال الاعفاء من الضرايب و تخفيض ثمن بعض المواد باش تزيد القدام و تتقاد مع المناطق الاخرى اللي سابقاها .
للتذكير ف الديبلوماسية الجزائرية منذ استقلالها وهي مبنية على الشرعية الثورية و الاشتراكية و عم الحركات الثورية ف كل مكان ف العالم وعلى هاد الاساس دعم نظام بومدين البوليساريو و جبد الصداع مع المغرب ، و الا دارو بنصيحة هاد السيد غادي تفكك كاع مشاكل المنطقة سياسيا و اقتصاديا ..