جورنالات بلادي: لوحات فنية مزورة تشراو بالملايير من المال العام..وبنعرفة دار كريدي على برا ب43 مليار درهم غير ف عام واحد

كما العادة دارت "كود" دورة ف الجورنالات اليومية ديال غدا الثلاثاء، وجابت اهم الخبيرات:
اقتناء لوحات مزورة بالمال العام
نبداو مع جورنال “الصباح” لي جا فيه أن شبكة منظمة نجحات فالنصب على مؤسسات ومقاولات عمومية، فاش جابت ليهم لوحات فنية، لي تبين فيما بعد انها مزورة، إذ حصلت الملايير من خلال تزويدها ب”طابلوها”، تحمل توقيعات فنانين أجانب ومغاربة مرموقين، إضافة الى الكتيبات الخاصة بها، وشهادات مصادقة مزيفة كتحمل ختم خبراء معروفين فمجال التحف والأعمال الفنية.
الحكومة تقترض 43 مليار درهم في سنة
ندوزو لجورنال “الأخبار” لي قال بأن الحكومة كتواصل في فإغراق المغرب فبحر القروض الخارجية لي وصلات اليوم 337 مليار دهم، بينما ف 2016 مكانتش كتعدا 294 مليار درهم.
وأوضحت معطيات رسمية أنه خلال سنة 2017 لوحدها اقترضت الحكومة حوالي 43 مليار درهم، أي 15،2 في المائة من حجم الدين الخارجي.