بغينا ولا كرهنا صوت باطمة واعر. من بعد تسكت سلمى رشيد بهدلات النشيد الوطني في العيون… وبنادم مطلعها عليها مزيان – فيديو

لا حديث في الانترنت إلا على سلمى رشيد لي بهدلات النشيد الوطني البارح في العيون، ملي غنات قدام المشاهير لي جاو يحضرو الماتش بمناسبة المسيرة الخضرا.
الصورة حاضرة ناظرة، لكن الصوت فين هو؟ كيفما فضحاتنا تسكت ملي غنات النشيد في افتتاح الشان، تزادت فضيحة ثانية على الفضايح العرام في هاد الماتش.
سلمى رشيد تعدات على النشيد الوطني فلمعب محمد لغظف بالعيون
Publiée par GOUD sur Mercredi 7 novembre 2018
باش نكونو واقعيين، بغينا ولا كرهنا صوت دنيا باطمة قوي وواعر مقارنة مع هاد الفنانات لي طالعات، السيدة متمكنة وكتغني مزيان.
حشومة گاع تبهدلينا كثر ما حنا مبهدلين بالتنظيم اللي كان دون المستوى. درتي ضحك في راسك وفي راسنا…. مصيبة وصافي.