واش بصّح أستاذ متعاقد ضرب تلميذ ومات؟ وزارة التعليم ل”كَود”: كاين حالة وفاة غامضة

يتداول مستعملي التراسل الفوري “واتساب” منذ الساعات القليلة الماضية، تسجيل صوتي يفيد بوفاة تلميذ، بعدما تعرض للضرب على يد أستاذه المتعاقد داخل القسم، قبل أن يلفظ أنفاسه الأخيرة، دون الكشف عن تفاصيل دقيقة فهاد الحادث الغامض.
“كود” سولات الناس ديال وزارة التربية الوطنية. وأكد مصدر مسؤول داخل وزارة أمزازي، أن الحادث الوحيد اللي تسجل عندها هو وفاة ديال شي تلميذ بمدينة تاونات، أمس الخميس. هاد التلميذ حسب الوزارة دخل للقسم وبدا كيتقيا ومن بعد مشا لطبيب ومات فظروف غامضة.
وأشار المصدر نفسه، إلى أن الأكاديمية الجهوية للتربية والتكوين بجهة فاس مكناس تبحث بشكل دقيق فهاد الموضوع، مضيفا: “التلاميذ والأساتذة قالو بأن داك التلميذ كان جالس فالمقعد ديالو وسقط فجأة وأغمي عليه وحتى رئيس جمعية الآباء التلميذ كان كيعاني من مشاكل صحية.
وحسب المعلوامات التي حصلت عليها “كود”، فإن هاد التلميذ كان كيقرا فالمستوى السادس ابتدائي وعمره 14 سنة، وكان يتابع دراسته قيد حياته بمجموعة مدارس “اولاد علي” الكائنة بجماعة اولاد داود.
دبا اللي كاين فهاد الوفاة الغامضة هي أن التشريح الطبي اللي طالبات بيه النيابة العامة المختصة هو اللي غادي يكشف الحقيقة كولها ديال الوفاة واش بصح كاين ضرب او وفاة بسبب مشاكل صحية.