الارهابيين اللي ذبحو السائحتين فشمهروش وتشدو هاد الصباح .. واش لابسين حوايج الضحيتين؟

الارهابيين الثلاثة اللي شداتهم "اف بي اي المغرب" هاد الصباح فمراكش واللي متهمين بذبح السائحتين الدنماركية والنرويجية فالحوز بمنطقة شمهاروش خداولهم صور بانو فيها مبدلين بزاف من شكلهم الداعيشي “العادي”.
الارهابيون حاولو يبدلو ملامحهم بكاسكيطات ولباس سبور بعد ما حسنو لحياهم.
السؤال اللي كيتطرح هو واش داك اللبس وداك “القبيات” و الطرابش والكاسكيطات ديالهم ولا ديال الدنماركية لويز فيسترغر جيسبرسن، وصاحبتها النرويجية مارين أولاند الي قتلهم ذبحا بوحشية.
حيت موحال بحال هاد الكمامر وهاد وجوه النحس يكون عندهم لباس بحال هذا شاريينو هما… وبحال هاد المجرمين يقدرو يديروها، يقتلو لواحد ويلبسو حوايجو… اللي قادر يذبح انسان بدم بارد بحال كيدارو هاد الوحوش قادر على اي حاجة.