شفيق “مثلي مراكش” لي عندو الشجاعة يواجه.. فحوار مع “گود”: الدولة محماتنيش وغانقاضي لي خرج لي على حياتي وانا مسلم وكاينين فقهاء كيغتصبو وها علاش غاندير اللجوء

aanajigoud91@gmail.com
“شفيق، ل”، أشهر مثلي فسنة 2018، لي وقعات ليه حادثة سير ليلة راس العام وتشهر بيه، قال في حوار مع “كود” سينشر لاحقا، ” انا كما انا هكا تولدت طبعيتي هي هادي ماشي تحول جنسي هذا ميول جنسي وهادي حريتي وانا مسلم”.
وأضاف شفيق، لي كيشتعل ممرض في مسشتفى بمراكش، “تضامنو معايا اصدقائي وهادشي فرحني وناس لي مولفين لي كيتعاملو معايا تضامنو معايا”.
وتابع شفيق :”عائلة قدها قداش تضررات وانا منقدرش نواجه المجتمع ولا نمشي نتقضا فحومتي وعائلتي بغاو يشوفني مقدوش حيث خايفين يصوروهم معه”.
وأوضح أشهر مثلي في المغرب “أنا حر فراسي وانا لي خاصني نحاسب الدولة حيث قضاو لي على حياتي لي كنت كنعيشها بشكل عادي”.
وأكد شفيق أن التوجه لي عندو دبا هو يدير اللجوء الى الخارج مادام “الدولة محماتوش” على حد تعبيره، مضيفا :”بلادي مقاداش تحميني وتحمي وثائقي ودبا خصني نمشي بحالي”.
وتابع :”كاع هادوك لي شهرو بيا وسببو لي اضرار كثيرة خصوصا حق الوجود فالمغرب خصهم يمشيو للحبس”.
وبخصوص عقيديته قال :”انا مسلم واشهد ان لا اله الا الله واشهد ان محمد عبده ورسوله”، مضيفا :”راه كاينين فقهاء وشيوخ كيغتصبو نساء والاطفال واش هادو لي مسلمين ولا لي داخل سوق راسي وظريف مع كولشي وعند ناس محبوب”، مشيرا “انا محبوب عند ناس واتصلو بي ناس كيعرفوني من مختلف مناطق المغرب”.