الاوربيون: جينا نهنيوكم ونهينو ريوسنا بالمصادقة على الاتفاق الفلاحي. جاو للرواق المغربي فبرلين: شي فرح شي شطح بهاد الاتفاق

ماشي غير لمغاربة اللي فرحانين بزاف بمصادقة البرلمان الاوربي هاد السيمانا على الاتفاق الفلاحي بين الاتحاد الأوروبي والمغرب. رواق المغرب في معرض برلين الاخضر احد اكبر معارض الفلاحة فالعالم تحول لبلاصة جاوها المسؤولين الاوربيين للاحتفال.
وزير الاقتصاد والتعاون والتنمية الالماني گيرد مولر كان اول المهنئين لراسو للمغرب. زار الرواق وشطح على ايقاعات احواش منطقة زاگورة. التقى وزير الفلاحة والصيد البحري والتنمية الفلاحية والمياه عزيز اخنوش. بجوج دارو الباروك ديال الشطيح. المسؤول الالماني كان فرحان بزاف بزاف بهاد الاتفاق المغربي الاوربي. فالرقصة الجماعية كان معاهم وزير الفلاحة الايفواري كوليبالي سنگافو.
لكن اللي فرح اكثر وجا يهني هو المفوض الأوروبي المكلف بالفلاحة والتنمية القروية فيل هوغان. البارح كان بصاح “مسرور”. هاد الفرحة عبر عليها بتصريح قال فيه “وأضاف “أنا مسرور لوجودي هنا في برلين للاحتفاء بهذا القرار الهام للبرلمان الاوروبي ونتطلع الى علاقات جد جيدة في مجالات أخرى في السنوات المقبلة”.
المسؤول الاوربي اوضح في تصريحه ان هاد التصويت “لصالح الاتفاق الفلاحي بين الاتحاد الأوروبي والمغرب، إلى علاقات جديدة بين الجانبين”.
تصريحات المسؤول الاوربي كانت بعد لقاء مع وزير الفلاحة فالرواق المغربي في اول يوم لافتتاحه “”انا مسرور لتواجدي بالجناح المغربي مع وزير الفلاحة والصيد البحري المغربي لإقرار النتيجة الرائعة للتصويت الذي أجري في البرلمان الأوروبي هذا الاسبوع حول الاتفاق الفلاحي بين المغرب والاتحاد الأوروبي ” اضاف المسؤول الاوربي.
هاد الشي بالنسبة ليه غير بدية “للاجندة السياسية الاوسع لافريقيا حيث يوجد أصدقاءنا المغاربة في مقدمة الطريق”.