مغربية عايشة فالصبليون بغات تلوح بنتها عندها 3 سنين من الطابق العاشر

قبل سيمانة تكلمات تقارير اخبارية عن قضية المهاجر المغربي فهولندا اللي بغا يلوح ولدو من الطابق الأول بسباب مضاربة مع مراتو. نفس الواقعة جرات فالصبليون قبل يومين.
هاذ المرة القضية كتعلق بمغربية عايشة في ملقة فاسبانيا كانت غادي تلوح بنتها لي عندها 3 سنين من الطابق العاشر، قبل ما يتدخل الجيران وعناصر الشرطة الوطنية الاسبانية ويمنعو الجريمة ويتم توقيف الأم المتهمة واخضاعها الى خبرة نفسية.
وكانت تقارير إخبارية هولندية تكلمات السيمانة الفايتة عن سحب السلطات الإدارية المختصة ترخيص الاقامة من مهاجر مغربي كيتحاكم أمام محكمة مدينة اوتريخت وغير غادي يدوز الحبس غادي يتم ترحيله إلى بلده الأصلي المغرب.
هاذ المتهم ارتكب جريمة في حق ولدو الصغير اللي باقي كيتعالج من الآثار النفسية والجسدية اللي تعرض ليها بعد ما لاحو باباه من الطابق الأول بعد مضاربة زوجية. الزوجة حتا هي باشرت إجراءات الطلاق من هاذ الزوج الوحش.