الانتخابات التشريعية الاسبانية. اليسار ربح بلا ما يوصل للاغلبية واليمين المتطرف اللي هدد المغرب المفاجأة الكبرى فهاد اليوم

فاز الحزب الاشتراكي العمالي بالانتخابات التشريعية الاسبانية اللي دارت اليوم٬ اذ حصل وفق استطلاع راي بخصوص نتائج استطلاع رأي نشر فوسائل الاعلام بعد التصويت٬ فان هاد الحزب غادي يجيب ما بين 116 مقعد و121 مقعد وغادي يحصل حليفه “بوديموس” =اليسار الراديكالي= ما بين 42 و45 مقعد. يعني بجوج ما عندهمش الاغلبية اللي خاص باش دير حكومة وهي 176 مقعد.
فيما حصل اليمين على حوالي 160 مقعد موزعة ما بين الحزب الشعبي اللي غادي يجيب ما بين 69 و73 مقعد يليه “سيودادانوس” اللي غادي يجيب ما بين 48 و49 مقعد ثم “بوس” اليمين المتطرف اللي كان مفاجأة اليوم وغادي يجيب ما بين 36 و38 ليدخل لاول مرة في تاريخ الديموقراطية الاسبانية الفتية الى البرلمان
حسب هاد النتائج خاص التحالف مع الاحزاب القومية بحال ديال كاتالونيا والباسك وكناريا …. باش يقدر شي تيار اليمين او اليسار يدير حكومة.
الانتخابات الحالية عرفت مشاركة مكثفة اذ وصلت الى حدود السادسة مساء اكثر من 64 بالمائة