انفراد. واش عقلتو على قنصلتنا فاورلي مع الخدامة؟ ها القضاء الفرنسي انصفها وعطى شهر للخدامة تغادر فرانسا

علمت “كود” ان القضاء الفرنسي اصدر حكمه في قضية هزت الرأي العام المغربي وتتعلق بفيديو خادمة عيطات للبوليس وهي كتشكي فدار قنصلة المغرب في اورلي هديك الساعة مليكة العلوي. القضاء كال “نو ليوه” اي قال باللي اتهام الخادمة لابن القنصلة بالتحرش بها زايد اتهامها للقنصلة بسوء المعاملة ووو طلع كولشي كذوب.
حسب مصدر “كود” فان الخادمة كانت دعات ولد القنصلة اللي كيقرا فالباك ودعات امو. بجوج شاف القضاء باللي القضية خاوية ما شاداش. اكثر من ذلك وفق مصدر “كود” عطى مهلة ديال شهر للخادمة ترجع للمغرب. يعني كولشي اللي دارتو باش تبقى تماك ففرنسا تضرب ليها فالزيرو.
المشكلة دابا واش القنصلة تقدر تدعي هاد المغربية اللي كرسات ليها حياتها المهنية والعائلية، حقاش رجعات للخارجية بعد ديك لفضيحة وداك الفيديو والولد رجع يقرا هنا وعاش ظروف خايبة بسبب اتهامه بالتحرش بالخادمة