فيديو صحاب شرع اليد اللي تعداو بهمجية ليه 3 سنين. تروج وكيبين وحدين كيرجمو راجل ومرا وسط طونوبيل بالحجر وقلبوها بهم فزايو بدعوى كانوا كيمارسو الجنس- فيديو

علمت “كود” ان فيديو صحاب شرع اليد اللي كيتعداو بشكل همجي على مواطنين وكيروج هاد ليام فمواقع التواصل الاجتماعي٬ قديم. وفق مصدر “كود” فانه يعود الى 2016 اي قبل 3 سنين. وقع زمن الانتخابات. فيه حيوانات ماشي بنادم فزايو باقليم الناظور كيرجمو طوتوبيلة بالحجر وقلبوها من بعد. علاقش حقاش قاليك كيمارسو الجنس.
مصدر “كود” قال باللي هادوك اللي تعداو خلصو ثمن هاد الحقارة ديالهم وتقدمو للقضاء وقال كلمتو فيهم.
جوج مغاربة سعداء كيمارسو الحب بيناتهم جاو مغاربة خريين رجموهم بالحجر وقلبو بيهم الطوموبيل في زايوهادشي وقع هادي تلات سنوات وكيتروج دابا لسبب ما
Publiée par GOUD sur Vendredi 26 juillet 2019
الاعتداء الهمجي، اللي تنفذ تحت غطاء “تغيير المنكر” وفق ما روج من قبل أصحاب تفكير متطرف، أثار ضجة في الفضاء الأزرق، حيث تفجرت موجة من التعليقات التي طالبت بفتح تحقيق عاجل وإيقاف من ظهروا في الفيديو ينفذون الهجوم وتقديمهم للعدالة، في وقت لم يعرف حجم الأذى الجسدي الذي لحق من كانا على متن السيارة وتاريخ تسجيل الواقعة. طبعا تم تسويقه بحال ديال اليوم. واخا قديم.
يشار إلى أن احداث بحال هادي وقعات فالمغرب. وهادي ماشي اول مرة كيديرو فيديو قديم وكيقولو باللي جديد.