وأخيرا.. كركاش مشا لبركان وخلا الوداد

وأخيرا انتهى مسلسل اللاعب سفيان كركاش، بعدما تعاقد رسميا مع نهضة بركان لثلاث سنوات.
هاد اللاعب لي تألق مع مولودية وجدة العام لي فات، حسم قرارو بتوقيع العقد في الرباط اليوم بحضور وكيل أعمال ديالو ومسؤولي الفريق البركاني.
كركاش فضل بركان على الوداد، لحقاش رئيس ديالو سعيد الناصيري ما قبلش بشي شروط، المهم هاد اللاعب لي ياله في عمرو 20 عام، غادي يخوض تجربة أخرى في البطولة، وهو فوق هادشي كامل لاعب ديال المنتخب الأولمبي خاض معاه التجمع التدريبي الأخير بالمعمورة وغادي يلعب معاه مباراة مالي في مراكش نهار 7 شتنبر جاي في التصفيات الإفريقية، المؤهلة إلى نهائيات الألعاب الأولمبية.
وسبق لنهضة بركان، لي غادي يشارك العام جاي في مسابقة كأس كاف، أن تعاقد مع زيد كروش وعلاء أجراي، من وداد تمارة، ويوسف الزغودي من الراك، إضافة الى الحارسين زهير العروبي، وحمزة الحمياني من الوداد الفاسي، وتوفيق إجروتن من الجيش الملكي.