عموتة عيط ل28 للماتشات ديال النيجر وبوركينافاسو…الحواصلي وأمسيف في اللائحة

عيط الحسين عموتة، مدرب ديال المنتخب المحلي ل28 لعاب باش يلعبو الماتشات ديال النيجر وبوركينافسو في 5 و8 شتنبر المقبل بملعب مراكش.
عموتة برمج هاد الماتشات بجوج باش المنتخب المحلي يكون واجد الماتش ديال الجزائر نهار20.
لائحة المنتخب المحلي عرفت بعض المفاج0ت منها استدعاء عبد الرحمان الحواصلي من حسنية أكادير ومحمد أمسيف من الفتح الرياضي باش يدخلو حتى هما التجمع التدريبي السيمانا جاية.
علاش عيط لهاد الحارسين، لحقاش احمد التكناوتي وانس الزنيتي غادي يلعبو مع المنتخب الأول. اللائحة فيها لعابة جداد وآخرين كانوا في لائحة المدرب وحيد خاليلوزيتش.
وهاي اللائحة كاملة:
سعد لكرون ونجيب المعتني ورضا الهجهوج (أولمبيك خريبكة) ومحمد أمسيف وأيوب سكومو (الفتح الرياضي) وشام المجهد (اتحاد طنجة) زهير العروبي وعمر النمساوي وإسماعيل للمقدم والعربي الناجي (نهضة بركان) ومحمد علي بامعمر (الجيش الملكي) زهير المترجي وأيوب الكعبي وبديع أووك ومحمد الناهيري ويحيى جبران وإسماعيل الحداد (الوداد الرياضي) سفيان الرحيمي وأيوب نناح ومحمد بتحليل وحميد أحداد (الرجاء الرياضي) وسفيان بوفتيني وعبد الرحمان الحواصلي وعبد الكريم البرماوي والمهدي أوبيلا (حسنية أكادير) ومروان هدهودي والمهدي قرناص ويوسف أكردوم (الدفاع الحسني الجديدي)