الاحرار باق فالحكومة وما عمرو اعتارض على مشاركة شي حزب فالحكومة

علمت “كود” ان حزب التجمع الوطني للاحرار غادي يبقى فالحكومة. مصدر تجمعي وصف ل”كود” ما ينشر عن امكانية خروجه “غير تشويش ضد الحزب وصافي”. قيادة الحزب تسعى لحكومة قوية فيها كفاءات كبيرة قادرة على رفع تحديات المغرب. واخا قضية الهيكلة وعدد الوزراء اختصاص رئيس الحكومة الا ان حزب التجمع الوطني للاحرار باغي يدافع على فكرة تكون حكومة فيها 25 وزير او اقل باش الفعالية تكون كبيرة٬ يشرح مصدر “كود”.
الحزب يريد ان يطبق اللي جا فخطاب الملك الاخير ديال عيد العرش يضيف المصدر: الكفاءة والفعالية
المهم فهاد الشي ان الاحرار غاديين يكملو حتى ل2021 وان هاد الحزب ما عمرو كان ضد مشاركة شي حزب ما عمرو دار الفيطو ضد شي حزب” يضيف مصدر “كود”.